Power of Batxi eta Eguzkiloreak, Gurot lehiaketako irabazleak Galdakaon

Power of Batxi eta Eguzkiloreak taldeek irabazi dute Gurot tribial motako lehiaketa Galdakaon. Bi hirukoteek Bizkaiko onenekin lehiatuko dute final handian, apirilaren 4an Bilboko San Mameseko Ipar Aretoan, eta sarrera bikoitzak eskuratuko dituzte Zeinen Ederra Izango Den jaialdirako, apirilaren 5ean Barakaldoko BECen.

Euskara eta kultura sustatzeko tribial lehiaketa

Otsailaren 17tik martxoaren 22ra bitarte, 12 eta 18 urte bitarteko gazteak hirukoteka aritu dira Gurot lehiaketan, 3.000 galdera baino gehiagori erantzunez. Euskara eta euskal kulturaren aldeko tribial digitala izanik, lehiaketak gazteen artean hizkuntza eta kultura unibertsala sustatzea du helburu.

Galdakaon, Power of Batxi taldea izan da nagusi 521.850 punturekin. Bengoetxe ikastetxeko Keira Martin, Maider Larrea eta Eider Gonzalez dira taldeko kideak, eta final handian izango dira sari potoloak eskuratzeko lehian.

Bigarren postuan, Eguzkiloreak taldea sailkatu da 115.200 punturekin. Izaro Luque, June Garcia eta Aitana Arenas dira hirukote honetako kideak, eta hauek ere Bengoetxeko ikasleak dira.

San Mameseko final handia eta sari nagusiak

Apirilaren 4an, Bizkaiko talde onenekin neurtuko dituzte indarrak San Mamesen, eta garaileek sari ikusgarriak jasoko dituzte:

🏆 1. postua → Salou eta Port Aventurara bidaia, alojamenduarekin eta parkerako sarrerekin.
🥈 2. postua → Madril eta Warner Parkerako bidaia.
🥉 3. postua → Toledoko Puy du Fou ikuskizunerako sarrerak eta alojamendua.
🎖️ 4. postua → Athletic Club Museorako sarrerak.

Gainera, bi talde irabazleek Zeinen Ederra Izango Den jaialdirako gonbidapenak jaso dituzte, eta sei gazteek laguntzaile banarekin joateko aukera izango dute apirilaren 5ean Barakaldoko BECen.