Zientziak protagonismoa hartuko du Bidebarrieta Kulturguneko abenduko programazioan

Zientzialari eta bertsolariek gai bat aukeratuko dute gai horri buruzko azalpenak emateko, beren ikuspuntu bereziarekin. 

Ondoren, abenduaren 18an, asteazkena, ‘Teknologia kuantikoak: zer da hori?’ hitzaldia programatu da, UPV/EHUko Kultura Zientifikoko Katedrak eta Bidebarrieta Liburutegiak antolatzen duten Bidebarrieta Zientifikoa hitzaldi-zikloaren barruan.

Bi hitzorduak 19:00etan hasiko dira eta sarrera librea izango da lekua bete arte, streaming bidez ere emateaz gain.

‘Jakinduriek mundue erreko dau’ jardunaldiak euskal ikertzaile eta zientzialariek emango dituzten 10 minutuko euskarazko hiru hitzaldi izango ditu, zientzia kontzeptuak labur eta modu atseginean azaltzeko. Saio bakoitzaren ondoren, gai bat proposatuko du aurkezleak, bertsolariek bertsoak inprobisatzeko aukera izan dezaten.

Idoia Torregarai Udako Euskal Unibertsitateko (UEU) kazetaria eta komunikazio arduraduna izango da ekitaldiaren gidaria eta Iruri Altzerreka eta Julio Soto bertsolariekin batera, Cecilia Fernandez, UPV/EHUko eta PAU eta Aturrialdeko (UPPA) unibertsitateetan Hizkuntza Doktoregaia; Aloña Aldasoro, Genetika, Antropologia eta Animalien Fisiologia Doktoregaia UPV/EHUn; eta UPV/EHUn Zientzietako Hezkuntzan doktoregaia den Oier Pedrera izango dira.

Bestalde, Javier Aizpuruak, Basque Quantumeko (BasQ) eta Donostia International Physics Centerreko (DIPC) Ikerbasqueko irakasleak, «Teknologia kuantikoak: zer da hori?» hitzaldia emango du, teknologia kuantikoaren oinarrizko kontzeptuak azaltzeko.

Bidebarrieta Kulturgunea kulturari eskainitako gunea da Bidebarrietako Liburutegiaren barruan. Bere helburuen artean kultura, literatura eta zientzia garatzea eta sustatzea dago. Ekitaldira joaterik ez badago, ekitaldiak streaming bidez jarraitu ahal izango dira Bidebarrieta Kulturguneko YouTube kanalean.