Altsasuko gazteek hirugarren gradua eskuratuko dute
Adur Ramirez de Alda, Jokin Unamuno eta Oihan Arnanze hirugarren gradura pasatuko dira bihar, Altsasuko gazteen gurasoek jakinarazi dutenez. Hori horrela, gradu horrek dituen onurez baliatu ahal izango dira. Adurrek, Jokinek eta Oihanek, kartzelan egun gehien daramatzaten gazteek, urtarrilean bigarren gradua eskuratu zuten. Hain zuzen ere, hiru gazte horiek jaso zituzten espetxe zigorrik handienak: zortzi urte eta erdi eta bederatzi urte eta erdi artekoak.
