Zaintza sistema jomugan, Berdintasunerako XVIII. Jardunaldiak izango dira Torrezabalen, azaroaren 8 eta 9an

Galdakaoko Udalak Berdintasunerako XVIII. Jardunaldiak antolatu ditu “Zaintza sistema, esperientziak eta utopiak” lelopean. Torrezabal kultur etxean izango dira, azaroaren 8 eta 9an. 
Izen ematea doakoa da eta on line egin daiteke, hemen klik eginda. Torrezabal kultur etxean aurrez aurre egiteko aukera ere badago edo 94 401 05 28 telefonora deituta.

Udaleko Berdintasun arloak urtero antolatzen du zita hau eta honako helburua du aurten: feminismotik aztertzea eta eztabaidatzea, historikoki ikusezinak, etxeko eremura baztertuak eta emakumeei egotziak diren zaintzak.

Berdintasunerako Jardunaldien XVIII. edizioan, hauek izango dira hizlariak: Matxalen Legarreta, Uzuri Castelo, Yayo Herrero López eta Maria Viadero Acha.

Gainera, mahai inguruak izango dira. Horietako batean, zaintzaileen esperientziak bertatik bertara entzuteko aukera izango da eta Erabide taldearen “El peso sobre mi” dokumentala proiektatuko da.

Halaber, beste herri batzuetako zaintzari buruzko proiektu berritzaileak ezagutu ahal izango dira, Usurbilekoa eta Hernanikoa, adibidez. Mahai inguru honetan Galdakaoko Elkarlaguntza sareak ere parte hartuko du.

Jardunaldietan zehar “El Espejo” argazki erakusketa ikusi ahal izango da.

PROGRAMA 2023 – IZENA EMAN HEMEN