Bilboko Udalak abian jarri du uriko euskal pilotaren lehen eskola

Udalak abian jarri du uriko euskal pilotaren lehen eskola, Bilbao Esperantza Pilota klubaren laguntzarekin. Bilbao Kirolak erakundearen eta klubaren arteko lankidetza-hitzarmen baten bidez, prestakuntza eskainiko zaie pilotari gazteei, eta urian euskal pilotaren diziplina desberdinak sustatu eta zabalduko dira.

Eskolako jardueretan izena emanda dauden 18 urtetik beherakoek euskal pilotako diziplinekin lehen harremana izan dezakete, hala nola erremontearekin, zesta-puntarekin eta eskupilotarekin. Entrenamenduak eguaztenetan eta barikuetan programatu dira, 17:00etatik 19:30era, eta behin-behinean Txurdinagako Udal Kiroldegiko 1. pilotalekuan egingo dira.

Pilota Eskolak programatutako jardueretan izena eman nahi dutenek Bilbao Esperantza Pilota klubarekin jarri behar dute harremanetan, 609 868 004 telefono-zenbakira deituta edo bilbaoesperantzpilota@gmail.com helbidera mezua bidalita.

Zazpi Kaleetako Itxaropen kaleko frontoiaren instalazio berrien inaugurazioaren ondoren, Bilboko Pilota Eskolaren jarduera hara eramatea aurreikusten da.

KiROLERAKO ESTRATEGIA BILBON, 2019-2024

Euskal pilota Bilboko 2019-2024 aldirako kirolerako estrategian definitutako kirol estrategikoetako bat da eta urte hauetan hainbat ekintza egin dira, pilota sustatzeko eta zabaltzeko BK Komunitatea ildo estrategikoan ezarriak. Bilboko lehen euskal pilota-eskola sortzean gauzatu da hori.