in ,

‘Bost teilatu’ filma estreinatuko da ekainaren 9an Torrezabalen

Galdakaoko Udala | Datorren ostegunean, hilak 9, “Bost teilatu” filmaren emanaldia izango da Torrezabal Kultur Etxean, 19:00etan.

Bost teilatu (Teaser trailer ofiziala)

Bost teilatu horien azpian Geuretik Sortuak proiektuaren baitan ekoiztu diren bost laburmetrai daude eta horietako bat da iazko udazkenean Galdakaon grabatutako “Erlojupekoa” komedia surrealista. Leire Egañaren gidaritzapean eta Eñaut Tolosaren gidoiari jarraituz (Bira produkzioak), bizikletan enkarguak banatzen dituen riderra izango da Lore Nekane Billelabeitia. Belako taldeko baxujolea izateagatik ezaguna den Billelabeitia, aktore lanetan ari da film labur honetan. Gainera, hainbat galdakoztar eta usansolotar agertzen dira aktore eta figurante lanetan. 

Hurrengo ostegunean estreinatuko da filma eta ostean solasaldia egongo da zuzendari, gidoilari eta aktorearekin; sarrera doakoa izango da aforoa bete arte.

“Bost teilatu”

Bost teilatu osatzen duten gainontzeko laburmetraiak, Hernani, Tafalla, Lesaka eta Baigorrin grabatu dira. Nork bere etxean Krak egin duten Ane eta Mirenen dolua; Ekaitz gazteak eta Inaxio edadetuak baserrian bizi duten katarsiak emandako Arnasa; Michelle paristarrak jaioterrira itzultzean deskubrituko dituen Hitzak eta nortasunaren gaineko galderak; paketea dagokion teilatupera eramateko Erlojupekoa lehiatzen duen mezularia eta, azkenik, tentsioz eta arriskuz betetako Muga inguruan babestuko duen teilatu baten bila dabilen Kamaru gazte afrikarra.

Iaz gidoi tailer batekin hasi zen, 70 pertsonak baino gehiagok parte hartu zuten casting batekin jarraitu, eta gure herriko kaleetan grabatu zen Erlojupekoa film laburraren emaitza ezagutzera animatzen ditu herritarrak Galdakaoko Udalak.

¿Qué opinas de la noticia? Vota!

Comentarios

Deja una respuesta

Tu dirección de correo electrónico no será publicada.

Cargando…

0

A solas con Lola | Hablamos de pelotas

Punto G: servicio municipal de asesoramiento sexual y afectivo dirigido a jóvenes y adolescentes