“Nire oporrak etxean” lehiaketaren sariak banatu ditu Udalak

«Nire oporrak etxean» lehiaketaren sariak banatu ditu gaur Udalak, Gazteria arloaren bitartez. Galdakaoko gazteei eta euren familiei zuzendutako ekimena izan da eta Aste Santuko ez ohiko oporrak «ahalik eta modu dibertigarrienean igarotzeko asmoz sortuta».

Bideo edo argazkien bidez, Galdakaoko gazteek eta haurrek duten «ezkutuko talentua» erakutsi dute bi kategoriatan, alde batetik, 6 eta 11 urte bitarteko haurrak; eta 12 eta 15 eta 16 eta 18 urte bitarteko gazteak.

Haurren kategorian, etxean bideoak grabatu edo argazkiak atera behar zituzten ekintzaren bat eginez (eskulanak, kantatzea, dantzatzea, idaztea, antzerkia egitea… eta Galdakaoko Udalak alderdi hauek baloratu ditu: originaltasuna, proposatutako gaiarekin lotura izatea, euskararen presentzia, genero berdintasunaren aldeko baloreak bultzatzea eta Galdakaoko elementuak kontuan izatea. Maila honetan 5 sari banatu dira, eta Galdakao Dendari Elkarteari atxikitako saltokietan gastatzeko bonuak izan dira.

Umeen kategorian irabazleak honako hauek izan dira: Urko Gutierrez, Ane Askargorta, Nora Lara, Oier Herran eta Itsaso Yurrebaso.

Bestalde, gazteen kategorian, 12 eta 18 urte bitarteko galdakoztarrentzat, epaimahaiak honako hauek baloratu ditu: euskarazko abestiak erabiltzea, originaltasuna, taldeka egitea,  genero berdintasunaren aldeko baloreak bultzatzea eta Galdakaoko elementuak kontuan izatea. Kasu honetan sari bi banatu dira. Irabazleak Nahia Barreras, Garazi Garcia, Enara Pascual, Nerea Mendia, Ainhize Alvarez, Ane Goiri eta Leire Egileor izan dira (taldeka) eta Amaiur Uriarte Diaz.