BERRIAK | NOTICIAS

Ordutegiak eta aforoak murriztuko ditu Eusko Jaurlaritzak

todayagosto 15, 2020

Fondo
share close

Ordutegiak eta jende kopuruak murriztuko ditu Eusko Jaurlaritzak, hurrengo astetik aurrera. Neurriok asteartean zehaztuko dituzte Urkullu lehendakaria buru izango duen bilera batean.

Arantxa Tapia ekonomia eta garapenerako sailburuak aurreratu du bi neurri mota hartuko dituztela, alde batetik, EAE osorako neurri murriztaileak eta bestetik leku zehatzetan (herri, auzo, gune..) hartuko diren neurriak. Biek ala biek hiru helburu nagusi izango dituzte: Osasun sistema babestea; Bigarren konfinamendu bat ekiditzea eta birusarekin bizitzen jakitea.

Aurreratu dute garraioetako gaueko zerbitzuak ostalaritzako ordutegietara moldatuko direla, “ez duelako zentzurik tabernak ordu batean ixtea eta hiruretan garraioa egotea”, Tapiak adierazi duenez.

Tapia sailburuak esan duenez, “epe luzerako neurriak izango dira”. Gaineratu du neurriok “dinamikoak” izan direla; hau da, neurriak ezarriko dira eta egoerak hobera egiten badu tokian tokiko neurri murriztaile horiek altxatuko dituzte, azken egunotan zenbait herritan egin duten moduan.

Urkullu, agintari bakarra

Iñigo Urkullu jarduneko lehendakaria izango da agintari bakarra Osasun Larrialdi Egoerak irauten duen bitartean. Horrekin batera Euskadiko Babes Zibileko Plana indarrean jarriko da. Astelehenean Euskadiko Egunkari Ofizialean argitaratuko da hori, eta, momentu horretatik aurrera indarrean izango dira. Asteartean, ordea, bilera egingo dute, lehendakaria buru, neurri murriztaileak zehazteko.

Escrito por Xabi Ealo

Comentarios de las entradas (0)

Deja una respuesta

Tu dirección de correo electrónico no será publicada. Los campos obligatorios están marcados con *


0%