Zabalik dago Gabonetako kirol udalekuetan izena emateko epea Galdakaon

Galdakaoko Udala | Dagoeneko zabalik dago Gabonetako kirol udalekuetan izena emateko epea, online bidez, edota modu presentzialean Urretako zein Unkinako kiroldegietan. 5 eta 12 urte bitarteko ume eta gaztetxoei bideratutako udalekuak izango dira eta bi txandatan gauzatuko dira: abenduaren 26tik 30era eta urtarrilaren 2tik 5era.

Lehenengo txandarako prezioak honako hauek izango dira: abonatuak 70 euro eta ez abonatuak 84 euro. Eta bigarrenerako, aldiz, abonatuek 56 euro ordaindu beharko dute eta ez abonatuek 67,2 euro.

Jarduerak Unkinako eta Urretako kiroldegietan izango dira, 09:00etatik 14:00etara; haurrak ekarri eta eramateko zerbitzua, berriz, 08:30etik 09:00etara eta 14:00etatik 14:30era egongo da erabilgarri.

Informazio gehiago kiroldegietako harrera kontroletan emango da.