Goizaldeko 02:18ean helduko da Korrika Galdakaora

Galdakaoko Udala | Goizaldean helduko da Korrika Galdakaora, gaur gaueko ordu txikietan: 02:18ean espero da Etxebarritik Aperribaira iristea. Bengoetxera egingo du jarraian, Urreta igaro eta Bizkai kaletik erdigunera heltzeko. Erdigunea zeharkatu ondoren, Olabarritik eta Erletxera jarraituko du bere ibilbidea Korrikak, Zornotza aldera joateko. 
 
Amurrion abiatuko da gaur, 16:30ean, euskararen aldeko 22. Korrika. “HitzEkin” lelotzat hartuta, 2.500 kilometrotik gora egingo dituzte milaka herritarrek Euskal Herri osoan zehar, euskararen aldeko mezu ezkutua gordea duen lekukoaren atzetik. Euskararen alde ekiteko deia egingo da, horrela, herriz herri. 
 

Honakoa da gaur gaueko ordu txikietan Korrikak Galdakaon egingo duen ibilbidea eta lekukoa eramango duten talde eta eragileen zerrenda. 02:18an aurreikusita dago Aperribaira iritsiko dela, eta ordubete baino gehiago egingo du herrian, Zornotzara abiatu aurretik. Galdakao erdigunea igarota dela, udal langileek 02:53an hartuko dute lekukoa Ardantza parkean, handik suhiltzaileen egoitza zenera joateko. 
 
Honakoa da Galdakaoko ibilbidearen ordutegia, kilometroa erosi duten eragileen zerrenda, eta horietako bakoitzaren izenean lekukoa eramango dutenena:
 

• 02:18. Aperribain: Aperribaiko herritarrak
• 02:24. Olabarrietan: Gure Esku Dago (Joseba Peña Iriondo eta Koldo Ezkerra)
• 02:27. Olabarrietako zubian: CEPA (Begoña Mentxakatorre eta Maite Cámara)
• 02:29. Bengoetxeko Babes Ofizialeko etxebizitzetan: Coca-Cola (Enrique Fuentes Uribe eta Koldo Rabanal)
• 02:31. Ostalaritza Eskolan: Ostalaritza Eskola (David Ruiz Trigo)
• 02:33. Bengoetxe institutuan: Elexaldeko Guraso Elkartea (Jon Gomez, Achraf Jedyane eta Luca Cañadas)
• 02:36. Urretako lehen errotondan: Andra Mari eta Elexalde institutuak (Izaskun Robles eta Joxeba Goikoetxea)
• 02:38. Urretako eskolan: Ikastetxeak
• 02:40. Pintxazoaren ondoren: Udal Euskaltegia (Ander Lopez Pilar eta Koldo Bartolome)
• 02:42. Muguru kalean —El Ingles taberna parean—: Galdakaoko Pentsiodunak (Jokin Ginea)
• 02:43. Ganekogorta kalean —Telepizza parean—: Erabide (Enara Pascual Prieto, Ane Goiri Etxebarria, 
• 02:44. Zamakoa kaleko farmazian: Ezker Abertzalea / Sortu (Gorka Martinez Arkarazo eta Oier Goitia Abadia)
• 02:46. Urki kalean —taxien geltokian—: Galdakao Bizirik eta EA (Jon Olea)
• 02:48. Gipuzkoa kalearen sarreran —Somera, Eroski parean—: Ganguren Mendi Taldea (Eleder Larrazabal eta Iñigo Urizar)
• 02:51. Euskadi kalea eta Juan Bautista Uriarte artean —BBK zaharrean—: EH Bildu (Iñigo Hernando eta Edurne Espilla)
• 02:53. Ardanza parkean: Udal langileak (Markos Ibarretxe)
• 02:57. Suhiltzaileetan: Momoak eta Zizpa (Ione Ibarretxe Arnaiz eta Itxaso Mimenza)
• 03:02. Olabarriko gasolindegi zaharrean: Anbulatorioko langileak (Oxane Jaio, Itziar Etxebarria eta Nahikari Apodaka)
• 03:08. Askarriko autobus geltokian: Aginalde (Azu Campo eta Celia Rangel)
• 03:14. Erletxeko errotondan: Geuria (Maider Ibañez, Jon Villapun eta Jon Goikuria)
• 03:18. Errotonda eta gasolindegi artean: Gines (Jokin Molinero eta Alfonso Oribe)
• 03:21. Kortederrako gasolindegian —Avia parean—:Hego Uribeko AEK (AEK-ko irakasleak)

 Ehunka kilometro egin ondoren, Usansolora asteazkenean, apirilak 6, helduko da Korrika Usansolora, 16:16ean.