Inauteri giroa zuhurtziaz ospatuko du aurten Arrigorriagak

Arrigorriagako Udala |

Arrigorriagan Inauteriak betidanik ospatzeko ohitura egon bada ere, zazpi urte dira Arrigorriagako hainbat elkartek Inauteri batzordea sortu eta Udalaren laguntzarekin kutsu komunitario erdigunean izan duten Inauteriak antolatu dituztela. Asanbladak egin, gaiak pentsatu, mozorroak prestatu eta jai- eta kultura-ekimenez bete izan dituztela gure herriko kaleak.

Bada, aurten, iaz bezala, osasun egoera dela eta, Inauterien jaialdia bertan behera uztea erabaki dute (baita ohiko Kanporamartxo ekimena ere bai), datorren urtean kaleak berriro kolorez betetzeko konfiantzarekin.

Hala ere, egitaraurik antolatu ez duten arren (jende pilaketak ekiditeko), inauteri batzordeak eta Udalak Arrigorriagako herritarrei dei egiten die sormenari lekua egin eta Inauteri egunetan mozorrotuta kalera ateratzeko.

Arrigorriagako eskolak, adibidez, ikasleei zuzendutako Inauteri propioak ospatuko ditu eta aurtengo gaia musikalak izango da. Gainera, herrigunean eta Abusun hainbat ekimen kultural izango dira asteburuan:

⎯ Otsailaren 18tik martxoren 5erarte, Abusu Zentro Soziokulturalean: 2001 eta 2020 urteen artean ospatutako Abusuko inauterien argazki erakusketa. Irekiera otsailaren 18an izango da, 20:00etan, Hodei magoarekin.

⎯ Otsailak 25, ostirala, 19:30ean, Lonbo aretoan: “Cris, pequeña valiente” (Cía. El espejo negro), umeentzako antzezlana.

⎯ Otsailak 26, larunbata, 18:30ean, Gaztegunean: Inauterietako maskaren tailerra (12 urtetik gorakoentzat).

⎯ Otsailak 26, larunbata, 19:30ean, Lonbo aretoan: “Ellas son ellos SHOW” nagusientzako ikuskizuna.

⎯ Otsailak 27, igandea, 12:30ean, Lonbo aretoan: “Kaleak bizirik!” Potx eta Lotx pailazoak.

⎯ Otsailak 27, igandea: Herri krosa.

Aurtengo giroa alaitzen hasteko eta datorren urteko Inauteriak gogotsuago hartzeko, hau da Inauteri batzordeak, azken urteetako argazki eta bideoak batzeko sortutako web-orria: Arrigorriagako Inauteriak – 2021