Kirol munduan sexuagatiko jazarpenari buruzko sentsibilizazio saioa Arrigorriagan

Arrigorriagako Udala | Asteazken honetan, otsailak 16, Arrigorriagako eskolako Gure Magalean elkarteak, kirol esparruan sexu-abusuari, sexu-jazarpenari eta sexuan oinarritutako jazarpenari buruzko sentsibilizazio-saio bat antolatu du udalerriko familientzat. Saioa «ZURE TALDEKOAK GARA» zerbitzuak eskaintzen du. Zerbitzu hau, Eusko jaurlaritzak eta Basque team Fundazioak kirol arloan sexu jazarpenaren aurkako arreta zerbitzua da.

Hauek azaldu dutenez, haurrak eta nerabeak indarkeriatik erabat babesteko 8/2021 Lege Organiko berriak ezartzen du adingabeekin kirol- edo aisialdi-erakundeetan lan egiten dutenek prestakuntza berezia jaso beharko dutela haurren eta nerabeen aurkako edozein indarkeria mota prebenitu eta detektatzeko.

Baina oso garrantzitsua da arlo honetan gurasoak ere sentzibilizatzea eta parte hartzea prebentziozko lana egiteko. Saio hauen helburu nagusiak honako hauek dira: indarkeria sexista gizarte arazo oso garrantzitsua dela ohartzea eta bai emakumeengan, bai haurtzaroan eta bai nerabezaroan, eragiten dituen ondorio larriak ulertzea; kirolean, sexu-abusua, sexu-jazarpena eta sexuagatiko jazarpena plazaratzea; eta kirolean indarkeria saihesteko eta detektatzeko, prebentziorako tresnak, baliabideak eta zerbitzuak identifikatzea.

Saioak ordu betekoak izango dira eta eskolako musika-gelan burutuko dira honako egun eta ordutegiotan:

• Asteazkena, otsailak 16, gaztelaniaz 17:00etatik 18:15 arte
• Asteazkena, otsailak 16, euskaraz, 18:30etik 19:45 arte

Izena emateko: https://labur.eus/zJRFW