Mikel Larunbek larunbatean agur esango dio pilota profesionalari Kurtzea frontoian

Galdakaoko Udala | Mikel Larunbe pilotari galdakoztarrak agur esango dio pilota profesionalari eta horretarako pilota jaialdia antolatu dute larunbaterako, Larunbe bera hazi eta hezi zen etxean, Kurtzea frontoian.

18:00etatik aurrera, Adiskide pilota elkarteak hainbat partida antolatu ditu klubeko beteranoekin eta nagusiekin, eta ostean, Larunbek bere azken partida jokatuko du profesional gisa. Hauek dira larunbateko partidak:

• 18:00etatik aurrera, Adiskideko beteranoak kiniela pilota bigunarekin: Beroiz-Ajuria; Bidaurre-Kantxo eta Atutxa-Varela
• 19:00etatik aurrera, adiskideko nagusiak: Legorburu-Ibarrondo eta Carregal-Gorostiaga
• Ostean, lau t’erdian: Artola-Eskiroz eta Elezkano II- Larunbe

Sarrerak dagoeneko salgai daude (5 eta 8 euro artean) Urreta kiroldegian. Galdakaoko Udalak herritar guztiak animatu nahi ditu herrikide handiari agur profesionala ematerakoan bere alboan egotera.