«Normaltasun berria» delakoaren neurriak indarrean sartuko dira udal igerilekuetan

Elexaldeko igerilekuak

Normaltasun berriak dakartzan neurriak indarrean jarriko dira bihartik aurrera, Galdakaoko udal igerilekuetan. Erabiltzaileen eta langileen segurtasuna bermatuko dituzten neurriak eguneratu ditu Udalak.

Aurreko asteetan bezala, aldez aurretik erreserba egin beharko da igerilekuetara joateko. Elexaldeko igerilekuaren kasuan, lur zati bat eskatu beharko da, eta gehienez bost pertsona joan ahal izango dira. Urretakoetan eta Unkinakoan, gehienez ordubeteko txandak eta kale bakoitzeko bi igerilari onartuko dira. Igerileku txikian, eskainiko diren 25 plazetako bat aldez aurretik eskatu beharko da. Unkinan, erabilera familiarra izango du, eta gehienez, zortzi erabiltzaile onartuko dira. Aldez aurretiko erreserbak udalaren web atariaren bitartez egin daitezte, edota kiroldegietara joanda.

Erreserba horietako egiaztagaria igerilekuetara eraman beharko da eta, harreran dagoen pertsonari erakutsi.

Hauek dira hartu beharreko neurriak Elexaldeko igerilekuan :

• Edukiera 600 lagunekoa izango da gehienez (edukiera osoaren %52).
• Maskara erabiltzea derrigorrezkoa izango da, erreserbatutako lursailaren barruan eta uretara joateko izan ezik.
• Aldagelak eta takilak erabili ahal izango dira segurtasuneko bi metroak mantenduz, baita dutxak ere.
• Derrigorrezkoa izango da eskuak garbitzea igerilekuetara sartu aurretik. Gel hidroalkoholikoa duen postu bat egongo da.
• Iturriak erabilgarri egongo dira, ez ordea, janaria saltzeko makinak.
• Eusko Jaurlaritzako Osasun Sailaren jarraibideei jarraiki, uretan desinfektatzaile gehiago ipiniko da. Horrek gomendagarria egiten du uretako betaurrekoak erabiltzea.
• Umeentzako ur parkea zabalduko da.
• Bi kortxera jarriko dira igerian egin ahal izateko.
• Jateko eremuak derrigorrez errespetatu beharko dira.
• 51, 58, 59, 60 eta 61 partzelak ez dira irisgarriak.

Urretako eta Unkinako igerilekuei dagokienez, hauek hartu behar dira kontuan:

• Uretarako betaurrekoak erabiltzea gomendatzen da.
• Baimenduta dago bainu-esparrura eskuoihala sartzea.
• Eskuak garbitu behar dira sartu aurretik (gela hidroalkoholikoa egongo da sarrerako tornuaren aurretik)
• Maskara erabiltzea derrigorrezkoa izango da aldageletaraino
• Aldagelak eta takilak erabili ahal izango dira segurtasuneko bi metroak mantenduz, baina dutxak ezingo dira erabili.

Aurreko asteetan ez bezala, bihartik aurrera, Galdakaoko kirol-instalazioetako abonatuek eta ez abonatuek erabili ahal izango dituzte udal igerilekuak. Abonatuek gehienez astebeteko aurretiazko epearekin egin ahalko du erreserba, eta ezin izango du bigarren bat erreserbatu lehenengoa erabili arte. Eta gainera, egunean bertan erreserbatu ahalko du, beste egun baterako beste bat izan arren. Ez abonatuek, ordea, gehienez egun bateko aurretiazko epearekin erreserbatu ahalko dute. Bestela, egunean bertan egin beharko dute. Erreserba hori egiteko, izen-abizenak, Nortasun Agiriaren zenbakia eta telefono zenbaki bat utzi beharko dute.

Udalak jakietara eman du, erreserba eginda badago, eta erabiliko ez bada, ezinbestekoa izango dela Unkinako (944 56 79 73) edo Urretako (944 56 27 03) kiroldegietara deitzea.