Sormeneren diseinuan parte hartzeko aukera dute herritarrek

Galdakaoko Udala | Aurten Sormene, Sorkuntzen Galdakaoko plazaren hirugarren edizioaz gozatzeko aukera izango dugu eta ikusle gisa aritzeaz gain, Batzorde Eragile-Aholkularian parte hartzeko beta ere izango dute herritarrek.

Galdakaok euskal kulturgintzari eskaintzen dion plaza da Sormene, euskara eta emakume sortzaileak ardatz hartuta. Hona, aurreko edizioetan Sormenen izan ditugun hainbat euskal sortzaile: Kai Nakai, J Martina, Eñaut Elorrieta, Miren Agur Meabe, Ines Osinaga, Amak, Formol Laborategia, Erika Lagoma, Uxue Alberdi, Eider Eibar, Itziar Ituño, Gaizka Chamizo eta Itziar Atienza.

Antolaketa Udalaren esku dagoen arren, hasieratik esan dugu, kulturgintza lan kolektiboa dela eta Sormeneren norabidea eta etorkizuna definitzeko gure herrian euskal kulturgintzaren ekosistema osatzen duten eragile guztiek parte hartzea oso aberasgarria izango dela; hala nola, adierazpide desberdinetako sortzaileak, kultur elkarteak, kultur zaleak, instituzioak, zabalkundeaz arduratzen diren komunikabideak edota transmizioaz arduratzen diren
hezitzaile eta gurasoak.

Guzti horiek gonbidatu nahi ditu Udalak, ostegunean, otsailak 3a, udaletxeko osoko bilkuren aretoan izango den Talde Eragile-Aholkulariaren bilerara. 18:00tik 19:15ra bertan izango gara, eta lehen saio horretarako bi helburu ditugu:

• Batzorde Eragile-Aholkulariaren jarduna definitu
• 2022ko Sormeneren programazioa lantzen hasi

Zatoz, ekarri proposamenak, eta parte hartu Sormeneren diseinuan. Elkarrekin aberatsagoak gara.