CINE

One Second: hasiera xamur eta gozagarri bat Zhang Yimouren eskutik

todayseptiembre 18, 2021

Fondo
share close

Piztu dira Kursaaleko argiak, hasi da hiria turistaz eta glamourrez betetzen, denok dakigu Zinemaldiko beste urte baten aurrean gaudela.

Carlos Saurak eta Zhan Yimouk eman diote hasiera 69. Donostiako Zinemaldiari, espainiar zuzendari ospetsuak guda zibilaren inguruan berak marraztutako margolanez osatuz inaugurazioan proiektatuko Rosa Rosae laburmetraia. Maixu txinatarraren kasuan One Second filma aurkeztu du Sail Ofizialean (film hau Berlinen estrenatzeko zela, baina txinatar zentsuraren ondorioz jaialdi germanotik kendu zuten) eta zinemaldi hau hasteko era paregabea izan da, zinemari egindako amodio eskutitz bat.

Filmeko bikote protagonista.

Mao Zedongen Errepublikako azken urteetan kokatuta, One Secondek alaba galdu duen aita baten paperean jartzen du ikuslea, eta gizonezko honekin batera, bere larainja erdia bailitzan beste neskato ez ezagun batek osatzen du galeraz hornitutako tandem bitxi hau. Bi pertsonaiek dituzten abentura ezberdinekin momentuko bizitza krudel eta politizatua modu xamurrean erakutzi eta kritikatzen du zuzendariak.

Azpimarragarria da gorago aipatu bezala Zhimouk egiten duen manifestua zinemaren xarma estitsuarekiko, maisutasunez eta maitasun handiz landutako plano eta sekuentzia ezberdinekin josiz film osoa. Zinemak jendea batzeko balio du, ilusioz eta esperantzaz betez herria, eta era berean bi protagonisten arteko harremana. Baina dena ez da perfektua, eta zinema eta fikzioa propagandako tresna bezala ere erabili izan direla argudiatzen du filmak, honen faltsukeria eta jendea engainatzeko trebezia agerian utziz.

Zinema Jauna eta filmeko aita protagonista.

Ez zait film hau baino modu hobeagorik etortzen burura Zinemaldi atipiko hau hasteko, esperientzia goxo eta garratz bat izanez ikustaldia. Filma gomendagarri bat da Yimouren azkena, eta nahiz eta batzuetan erraztasun narratiboetan jausi oso gozagarria da. Gogoratu datorren hilabetearen hasieran gure zinemetan egongo dela.

Trailerra.

Escrito por Aimar Erkiaga

Comentarios de las entradas (0)

Deja una respuesta

Tu dirección de correo electrónico no será publicada. Los campos obligatorios están marcados con *


0%