Erakusketak, zinema, antzerkia, hitzaldiak eta beste, Martxoaren 8aren harira Galdakaon

Galdakaoko Udala | Galdakaoko Udalak, herriko elkarte feminista eta emakume taldeekin elkarlanean, egitarau oparoa prestatu du martxoaren 8aren harira. Hilabete osorako antolatu dira ekintzak Emakumeen Nazioarteko Eguna gogoan hartuta hausnarketa bultzatzeko.

Honakoa da ondorengo egunetarako egitaraua:

• “Emakume baserritarrak” erakusketa: martxoaren 1etik 11ra Torrezabal Kultur Etxeko erakusketa gelan. Gaittun elkarteak antolatuta, ikusgai egongo da arratsaldero 17:30etik 20:30era. Martxoaren 3an erakusketa aurkeztuko da eta Itsasoan Gaittun dokumentala eskainiko da arratsaldeko 19:00etan.
   
• Sistema patriarkala eta arrazakeriaren ondorioak emakumeon bizitzetan. Testigantzak eta bizipenak. Solasaldia: Elkarlaguntza Sareak antolatuta, Kurtzeko Plazako karpan egingo da martxoaren 2an arratsaldeko 18:00etan. 
   
•  “Pronoia” antzerkia: Virginia Imazen antzezlana ikusgai egongo da Torrezabal Kultur Etxean martxoaren 7an, 19:00etan.
   
• Martxoaren 8an:  
  “Zapaltzen gaituen sistemari sua” lelopean, hainbat ekintza antolatu ditu Momoak talde feministak. Goizeko 8:30ean Agirre Lehendakariaren enparantzatik hasita, kotxe karabana egingo da. Ostean, 11:30etan, mural margoketa egingo da Gipuzkoa kalean. 13:30ean udaletxe aurrean kontzentrazioa egingo da, 15:00etako bazkariaren aurretik (janaria etxetik eramateko deia egiten dute antolakuntzatik). Bazkariaren ondoren bazkaloste musikatua eta kolektibo ezberdinen irakurketa egongo da. 17:30ean, Bilboko manifestaziora joateko trenera martxa antolatu dute. 
   
•  Emakumeek egindako zinema ikusgai: Martxoaren 9an, 16an eta 23an. “Miss Marx”, “Nora” (euskaraz) eta “Las Niñas” filmak eskainiko dira, hurrenez hurren, Torrezabal Kultur Etxean 19:00etatik aurrera.
   
• “Agua Bendita” antzerkia: Martxoaren 10ean antzeztuko du Aztiak Antzerki taldeak obra 19:00etan.
   
• “Emakume kontalariak” erakusketa: Martxoaren 14tik 25era Torrezabal Kultur Etxeko erakusketa gelan egongo da ikusgai, 11:30etik 13:30era eta 17:30etik 20:30era Erabide elkartearen eskutik. 
   
• Tertulia literario lila hitzaldia: Erabidek antolatuta, Iratxe Unzurrunzaga Garatek hitzaldia emango du martxoaren 15ean Torrezabaleko erakusketa gelan, arratsaldeko 19:00etan.
   
• Las mujeres y los medios de comunicación hitzaldia: Erabidek antolatuta, Iratxe Lopez Leonek hitzaldia emango du martxoaren 17an Torrezabaleko erakusketa gelan, arratsaldeko 19:00etan.

Erdigunetik kanpo ere antolatu dira ekintzak, eta Aperribain, esaterako, mural margoketa egingo da martxoaren 4an,  17:00etatik aurrera Eperlandako eskoletan. 7an auzoa morez apaintzeko deia egin dute. 18:30ean abiatuko da ekimena Auzo Elkartearen egoitzatik. Martxoaren 10ean, “La vida que no fue” liburua aurkeztuko da 17:00etan Aperribaiko liburutegian. Eta 25ean, 18:30ean, “El orden de las cosas” laburmetraia proiektatuko da Basandereren lokaletan. Ordu berean baina Eperlandako eskolan, “Agua bendita” antzerkia eskainiko du Aztiak Antzerki taldeak. 

Usansolon, bestealde, Benita Aboitiz andreari gorazarrea egingo zaio  martxoaren 8an, arratsaldeko 18:00etan hasita, Emakumeen parkean.

Galdakaoko Udalak bat egiten du Martxoaren 8ko aldarrikapenekin eta antolatutako ekintzetan parte hartzeko deia egiten du. Bere aldetik, berdintasun arloko politikak sustatu eta zerbitzuak diseinatzeko konpromisoa hartzen du.
—

? EGITARAU OSOA HEMEN ?

Martxoak 8ko egitaraua Galdakaon