MUSIKA | KULTURA

Marikobaso espazioa jaioko da Derion, euskara, kultura, feminismoa eta ekologismoa oinarri

todayfebrero 28, 2022

Fondo
share close

Marikobasok helarazitako prentsa nota:

Marikobaso espazioa gutxi barru jaioko da Derion. Lau ardatzen inguruan pibotatuko du espazioak: euskara, kultura, feminismoa eta ekologismoa. Otsailean egin ditu herritar talde batek konponketa lanak eta martxoan inauguratuko da. Marikobaso Derioko auzo bat da, Bilboko kanposantua eta aireportuaren artean kokatua. Mutilatutako auzoa da, bazterrekoa Derion. Hainbat elkartetako kideok batu eta espazio hau ertzetatik Derioko erdigunera ekarri gura izan dugu. Hori dela eta, otsaileko zapatu guztietan auzolanak antolatu ditugu eta martxoan izango da inaugurazioa.

Guztientzako irekia den espazioa da Marikobaso. Derioko ume, nerabe, gazte eta helduentzako. Kultura kontsumitzeko eta bizitzeko gunea egin gura dugu, tabernetatik harago. Sormen gunea izatea gura dugu, arte herrikoiaren bilgunea. Pozik eta burujabeago izateko espazioa, hain zuzen ere.

Jaio berri den espazio hau, lehen aipatutako lau ardatz horiez gain, bestelako balio batzuk ere ekarri gura ditu erdigunera: parte hartzea, autonomia, horizontaltasuna, autogestioa eta ez delegatzea. Guk geuk egin gura dugu, geure baliabideekin.

Hori dela eta, otsailaren 28tik apirilaren 8ra bitartean diru-bilketa kanpaina antolatu dugu itsulapikoa.eus webgunean. Bost sari egongo dira, bakoitzaren poltsikoaren arabera. Sari bakoitzaren izena Derion dagoeneko ez dagoen baserri bati dagokio:

  • Ganburu: 10 euro. Eskertza. Marikobasoko muralean izen-abizenak.
  • Larrajauregi: 20 euro. Eskertza. Marikobasoko muralean izen-abizenak. Marikobaso egunean bazkaria.
  • Teileri: 60 euro. Eskertza. Marikobasoko muralean izen-abizenak. Urtebeteko bazkidetza. Marikobasoko kamiseta esklusiboa.
  • Bestorrene: 120 euro. Eskertza. Marikobasoko muralean izen-abizenak. Urtebeteko bazkidetza. Bi bazkari Aldekone jatetxean.
  • Deurika: 250 euro. Eskertza. Marikobasoko muralean izen-abizenak. Urtebeteko bazkidetza. Ekitaldi bat antolatzeko aukera (Marikobasoko irizpideak beteta). Marikobasoko kamiseta esklusiboa.
  • Diru-bilketaren inguruan informazio gehiago hemen: https://www.itsulapikoa.eus/eu/proiektuak/marikobaso-espazioa
  • Euskarri gehiago:

Escrito por Mozoilo Irratia

Comentarios de las entradas (0)

Deja una respuesta

Tu dirección de correo electrónico no será publicada. Los campos obligatorios están marcados con *


0%