ARRIGORRIAGA

Mendikosolokobarrena eta Mintegi parkeko presaren konponbidea definitzeko prozesua aurrera doa

todaymarzo 10, 2022

Fondo
share close

Arrigorriagako Udala | Martxoaren 8an, Arrigorriagako Udalak teknikari talde baten bisita jaso zuen Mendikosolobarrenan, Oviedotik, Madrildik eta Donostiatik etorritako, bai Trantsizio Ekologikorako Ministerioaren mendeko Jabari Publiko Hidraulikoaren eta Azpiegituren Ustiapen eta Segurtasuneko ordezkariena, bai Iparraldeko Konfederazio Hidrografikoarena.

Paola Sangallik, presa erregularizatzeko, paisaian integratzeko eta leheneratze ekologikorako Udalak eskatutako proiektuaren arduradunak, tokian bertan azaldu ahal izan zuen proposamena eta inpresioak trukatu ahal izan zituen bideragarritasuna aztertu beharko duten arduradunekin.

Ibilbidean zehar, instalazioen eta ibai-ibilbide osoaren azterketa zehatza egin zuten, Ibaizabalera iritsi arte, herrigunean bertan.

Bertan zeuden guztien helburua argia izan zen: gaur egun “presa handia” (A motakoa) bezala ezagutzen den presa deskatalogatzea da. Deskatalogazio horri esker, orain dauden uholde-arazoak desagerraraziko dira, eta, gainera, udal diru-kutxak ez ditu presa handi bat mantentzetik datozen kostuak zertan bere gain hartu.

Arrigorriagako Udala, beraz, administrazioak bidaliko duen txostenaren zain geratuko da. Txosten horrek presaren behin betiko konponbidea zein den zehaztuko du.

María Jesús Acedok, Ingurumen eta Garapen Iraunkorreko zinegotziak, honako hau azaldu du: “Gobernu taldeak beste aldera ez begiratzea eta Mendikosolobarrenan aurkitu genituen arazo guztiak konpontzeko lan egitea erabaki genuenetik, argi geneukan presarenak lehentasuna zuela Arrigorriagarentzat. Ordutik ari gara horretan lanean eta esan dezakegu prozesuak aurrera egiten duela modu positiboan. Presaren segurtasuna bermatzeko behin betiko konponbidea zehaztu ondoren, gobernu-talde gisa dugun konpromisoa da parkea diseinatzeko prozesu parte-hartzaileari berriro ekitea, eta, horrela, guztion artean, Mendikosolobarrena eta Mintegi parkeari irtenbide integrala eman ahal izatea”.

Escrito por Mozoilo Irratia

Comentarios de las entradas (0)

Deja una respuesta

Tu dirección de correo electrónico no será publicada. Los campos obligatorios están marcados con *


0%